Danielle's POV
Masaya
naman ang pananghalian namin kahit na parang may napupuna kong pagkailang sa
pagitan nina Jace at Hani. Di ko tuloy
maiwasang tapunan ng isang malaking question mark ang nakatunganga ring si
Erik. Kanina okay lang sila pero ngayon halos di makatingin si Hani kay Jace.
Pansin
ko ang paghugot ng tingin ni Jace sa direksiyon ng bff ko at ang pasimpleng pag-iwas naman ni
Hani sa tuwing magtatagpo ang kanilang mga paningin. Nahihiwagaan na talaga ako. Ano bang
nangyayari? Mas lalo pang tumaas ang kuryosidad ko nang makitang maghesitate si
Hani sa umupo sa passenger seat.
Halatang reluctant siya dahil humahaba ang nguso. Wala lang siyang magawa kasi nauna na si Erik
sa tabi ko at siya naman ang assigned navigator namin.
Nawala
na lang siguro ng pagkailang nang makapunta kami sa Palace in the Sky. Aba ang
Erik nagyayang magpaunahan sial ni Jace paakyat. Di hamak na mas matangkad ang
hinamon pero nang makita ko ang kinang sa mga mata ni Erik, alam kong may
kahalo itong kalokohan.
"'Yun
lang pala eh," matabang na bigkas ni Jace at kunwari pang umaktong
nagwa-warm up.
"But
we have baggage."
Kitang-kita
ko ng pagtapon ng senyas ni Erik sa pamamagitan lamang ng mga mata. Ginagamit
niya siguro ang technique nila sa teatro.
Bago
pa mabuo ang full impact ng sinabi ni Erik, nadukwang na niya si Hani at
mabilis na binuhat kahit pa
nagpoprotesta ang bhesky ko.
Samantalang ako, namilog lang ang aking mga mata at bago ko pa namalayan,
nabuhat na ako ni Jace at sumunod na tumakbo.
Ang
kanina'y pagtutol ni Hani ay nahalinhinan ng cheering. "Dali, Erik! Dali!
Maaabutan na tayo!"
Napagaya
na lng ako ng wala sa oras.
"Jace,
naman ang bagal eh! Daliiiii!?"
Nakita
kong ngumisi lang ang loko. Malapit na kasi naming maabutan ang dalawa.
Umalingawngaw
ang tili ni Hani. May grupo ng mga
Koreano kaming nadaanan. Napanganga ang mga medyo may edad na pero kinikilig
naman ang mg kasamahan nilang mga kabataan.
'Yung isang Pinoy nilang kasama nakita kong namukhaan sina Erik at
Hani. Kumuha ito ng camera para kunan ang
dalawa.
Maaabutan
na sana namin sina Erik at Hani pero natigilan si Jace, napako lang ang
kaniyang paningin sa isang dako. I
followed his gaze and I'm pretty sure na nawalan ng kulay ang mukha ko dahil
nakita ko ng isang matangkad na babaeng naka-cream colored pants at moss cream
sleeveless top. Masaya itong
nakikipag-usap sa isang foreigner—parang kano, pero hindi ako sure—at pababa
sila. Masasalubong... nasalubong na nina
Erik at Hani.
Si
Selena.
Nakita
ni Selena ang naunang pares. Binati nito
sina Hani at Erik, nakuha pang biruin ang dalawa dahil hanggang sa puntong 'yon
hindi pa ibinababa ni Erik si Hani.
Wala
man akong guilt dahil alam kong wala na sina Jace at Selena, may boses pa rin
within me na nagsasabing kailangan ko nang magpababa kay Jace bago pa mahuli
ang lahat. Sa pinakamahina kong bulong,
sinabi ko kay Jace na pwede na niya akong ilapag without trying to sound scared
or threatened or kung ano pa man.
Parang
slow motion pa ang naging effect ng paglingon sa amin ni Selena. Parang naglaho sa background ang kasama
niyang foreigner at na-highlight ang kaniyang nasorpresang mukha. Subalit ang sorpresa ay panandalian lamang. Masyadong mabilis ang transisyon na kung di
lang matalas ang pakiramdam at mata mo, hindi ito kapansin-pansin. Napalitan ito agad ng pagdilim ng mukha at
aura ng isang diva.
"Jace,
you have to put me down," mariin kong wika sa kaniya. Nao-awkward-an na ako. Besides, nakita kong ibinaba na rin ni Erik
si Hani.
Lalong
humigpit ang pagkakapit sa akin ni Jace.
Teka, nasabi ko bang bridal style ang pagbuhat sa amin ni Hani ng
dalawalng mokong na ito? So ngayon,
na-imagine niyo na, ha.
Humakbang
pa si Jace papunta sa direksiyon ng dating kasintahan.
Naku
po... Nakakaamoy ako ng away at kasama ako.
More accurately, naipit ako sa gitna.
Lalagpasan
na sana namin eh, kaso bumulong pa si Selena.
"Ang
bilis ko lang pala palitan. Pero
magpapalit ka lang, hindi pa sa di magcocomplement sa 'yo."
Ramdam
ko ang kamandag ng mga salita ni Selena.
Talagang ako ang ininsulto niya at hindi ang dating kasintahan. Napalitan ng pagkakulo ng dugo ang
nararamdaman kong awkwardness kanina. Mukhang nakalimutan ng bruha na may
kasama siyang mukhang pamalit niya rin kay Jace.
Inhale...
exhale. Inhale... exhale. Dapat di mawala ang poise ko kahit na masyado
akong nainsulto.
Walang
imik na nilampasan ni Jace ang bruha.
Half of me says, "Ouch ha, di man lang ako pinagtanggol." But the remaining other half says, "Way
to go! Hindi pinapatulan ang mga pathetic bitches. Good riddance talaga!"
Kahit
hindi pa kami nakakapagbonding ng husto alam kong tinuturing ko na ring mga
kaibigan sina Jace at Erik. Magaan lang
silang dalhin at isa pa, common denominator naming tatlo ang music.
Sana
nga may something na lang kina Hani at Jace para hindi na bumalik pa or
ma-fall-fall yang si Jace sa obvious na bruhang mangkukulam na si Selena. (Talagang imbyerna na ako sa babaeng ‘yan!)
Pero
kahit na di pinansin, talagang maparaan sa pananakit ng tao si Selena.
"Hey,
why don't we all go to dinner," kunwari wala itong ibig-pagkahulugan.
Tonong inosenteng paanyaya lamang.
"Jean
Paul owns the finest French restaurant here in
Tagaytay. Right,
honey?" At nag-bat pa ng eyelashes
niya ang kamag-anak ni Voldemort.
Nagkatinginan
sina Erik at Hani, kapuwang maingat sa pagbibitaw ng kanilang ekspresyon. Ako
nama'y napakagat na lang sa aking labi.
"Of
course." Lumingon ang dalawa sa
lalaking nagbubuhat pa rin sa akin at mas maliwanag pa sa sikat ng araw tuwing
tanghaling tapat ang mensahe ng tinapong tingin sa kaniya ni Hani na
nagsasabing, "Are you out of your friggin' mind?"
Ang
hindi ko sinasadya, nasambit ng bibig ko ang nasa isip lamang ng best friend
ko. Mabuti na lamang at pabulong lang ang aking pagkakasambit.
Narinig
ko ang mahinang samyo ng hangin dahil halos ang lahat ng tao sa paligid maging
ang ibang nilalang na nabubuhay ay nagpigil ng hininga sa mga sandaling
'yon. Handa na rin ang puwet kong
masaktan sakali mang ibagsak ako ni Jace, subalit mas malala pa sa sakit ang
ginawang banayad na pagbaba sa akin ni Jace na animo'y isa akong babasagin at
mamahaling bagay. Nang parehas na
nakatuntong na ang aking mga paa sa lupa, kinabig niya ako upang sabay naming
harapin si Selena. Ramdam ko ang
pag-akbay niya sa aking balikat, suhestiyon ng isang bagay na hindi ko
kailanman papangarapin.
Nanlaki
muli ang mga mata ni Selena at halos kasabay noon ang panlilisik. Bilang babae, alam ko ang ibig sabihin
noon.
It
means W-A-R.
So
hindi rin pala totoong wala na si Jace para kay Selena. Too bad for me, then. Ako ang napiling panangkalan ni Jace at
accessory just to get back at his ex.
Ang
tanong... PAGHIHIGANTI NGA BA?
Ako
namang si tanga, nakisawsaw pa sa kalokohan ni Jace. I just heard myself saying, "See you
then, Selena. Tara na, babe!" At kinabig ko si Jace para samahan na namin
ang mga kaibigan naming nalaglag na ang mga panga sa lupa.
Haaaaay,
ano ba itong pinaggagagawa ko?
===============================================================
Walang
imik ang apat habang papunta sa may pinakataas kung saan may natatanaw silang
parang chapel. Kaniya-kaniya sila ng mga
iniisip dahil sa naging eksena just a few moments ago. Doon nila napiling mag-ikot ikot dahil hindi
masyadong matao at mapag-uusapan din nila ang scenario with Selena.
Si
Hani ang unang hindi nakatiis.
"Pffft!"
bulalas niya, hindi na nagawa pang ikubli ang tinatagong halakhak.
Pagkarinig
noon, sumunod na sina Erik at Dani.
"Charot,
Dani! ‘Babe’ talaga? Di ka man lang pumili ng mas matamis," saway ni Hani
sa kaibigang di halos makatayo sa kakatawa.
"You
could never pick a more worthy opponent lalo pa't parang pinagsasabong talaga
kayo ng pagkakataon, Danielle." Si Erik ang nagsasalita. Noong una,
tumatawa pa ito pero nang sabihin na ang komento niya, biglang sumeryoso na
kala mo'y naalala niyang may suot siyang pustisong baka malaglag anumang oras
dahil sa kakatawa.
"Oh,
Jace may bago ka na palang girlfriend di mo man lang sinabi," baling
pa nitong biro sa nanahimik pa ring si
Jace.
Sabay
na napalingon ang magbest friend kay Jace na sinalubong din naman ang kanilang
tinging mapanuri. Dahil walang masabi,
napa-palm face ito sabay hagod na rin sa medyo mahaba nang buhok. Pakiramdam niya lalo siyang tumanda. Hindi niya sinasadyang tanggapin ang tahimik
na hamon na iyon ni Selena pero nahulog pa rin siya sa bitag gawa ng alam
niyang pinagseselosan nito si Dani.
"Look...
I'm sorry, Dani, for dragging you into this.
Di ko lang talaga kayang ma-resist ang temptation kanina," sabi
niya sa dalagang nirerespeto niya bilang kaibigan. "You're free to give
excuses kung ayaw mong sumama mamaya sa dinner."
Umiling
si Dani. Wala sa bokabularyo niyang
atrasan si Selena. Alam niyang ito ang
unang hamon na magmumula rito at kung dito pa lang ay magpapakita na siya ng
kahinaan, lalo siya nitong pag-iinitan at manghihina lang siya.
"Jace,
I stick with friends. Di ako umiiwas sa
gulo lalo na kapag inaaway ang mga kaibigan ko.
Ask Hani." Tumango siya sa direksiyon ng kaibigan.
Tumango
si Hani bilang pagkumpirma sa sinabi ni Dani, habang pinaikot-ikot ng kaniyang
hintuturo ang buhok na nakapony-tail.
"Mali
si Selena ng pinag-iinitan. Matapang
yata ang kaibigan ko and you should feel lucky, Jace, that my bhesky here
considers you a friend. Very protective
'yan sa mga friends niya."
"Para
ka pa lang Amazona, Dani," singit na biro ni Erik na nakapagtapatawa ng buong grupo kasama
ang babaeng sinabihan lang niya ng alangang komplimentaryo o pang-iinis.
"Amazona
your face! Spartan, to!" Dani even showed off her triceps na payat naman.
"Thanks,
Dani... para kanina at para mamayang gabi na rin," sambit ni Jace matapos
ang tawanan.
"Sus,
parang 'yun lang. Ako pa nga dapat magpasalamat kasi makakain ako sa best
French resto dito sa Tagaytay. RIGHT,
HONEY?" At talagang highlighted ang
dalawang huling salita bilang pang-uyam kay Selena.
Tumawa
ulit sila, this time kasama na si Jace.
"So...
since you addressed Jace as 'babe' kanina, bhesky, ready ka na dapat umarteng
girlfriend ni Jace. Pucker up, darling."
Nanlaki
at halos malaglag ang panga ni Dani sa sinabi ng kaibigan. Magkaroon nga kaya ng insidente kung saan
ipapakita nilang dalawa ni Jace ang uber-landian? Lumitaw ang larawan nilang
dalawa na umaaktong naghahalikan sa kaniyang balintataw. Pakiramdam
niya nangasim ang kaniyang sikmura.
Erase!
Erase!
Kung
hindi niya nahuli ang sarili siguradong masasambit nanaman niya kung ano lamang
ang nasa isipan. Sa puntong 'yon nagdadalawang isip na tuloy si Dani.
"Brielle
naman tinakot mo agad si Dani," saway ni Erik. Napalingong si Hani dito. Pabiro nga ang sinabi ni Erik pero parang may
nahuli ang radar niyang kakaiba.
Napatitig siya rito na para bang sinusukat ang binata. Hindi masyado halata dahil magaling magdala
si Erik pero sa palagay niya, talagang may pagtingin ito kay Danielle. Oh,my—oh, my, bulong niya sa sarili at
nagscan sa vicinity kung may mauupuan.
Parang bibigay ang tuhod niya.
Sa
isang tabi na di kalayuan sa kanila, nakita ni Hani ang isang bench kung saan
pwede silang maupo. Dali-dali siyang
pumunta rito at naunang maupo, di na hinintay pa ang tatlong nawiwili pa sa
paglalakad kahit may mga nakakapansin na kung sino sila.
"Uy,
dalian niyo nga at dapat nating pinagpapalanuhan ‘yang dinner mamaya!"
sigaw ni Hani.
Nang
makalapit na, tinanong ni Jace kung importante pa raw ba na pagplanuhan ang
mamayang gabi, bagay na ikinaskandalo ni Hani sabay isip...
May
utak ba talaga ang lalaking ito? Well, it must still be there somewhere.
"Jace,
nag-iisip ka ba?" seryoso niyang tanong habang pabagsak na umupo ang
binatang kausap sa tabi niya.
Halatang
troubled pa rin si Jace dahil panay ang palm-face niya. Kung katulad lang ng damit na nagugusot ang
mukha nito, marahil pagkatalikod pa lang nito kay Selena kusot na ito.
"Itigil
mo nga 'yan," saway pa ni Hani na kala ng nakakarinig ay siya ang
nakakatandang kapatid ng matangkad na stage actor.
"You
sound like Jace's girlfriend, Brielle.
Bakit kaya hindi na lang ikaw ang pumoste kesa kay Dani," puna
naman ni Erik. Sa totoo lang, hindi niya
nagustuhan ang ideyang pumasok kay Dani upang pumoste bilang kasintahan ni
Jace. Magsisinungaling siya kung ang
sasabihin niyang dahilan ay concerned lamang siya sa paghihiganti ni Selena o
dahil sa nag-uumpisa pa lang ng karera si Dani.
Ayaw niya sa ideyang iyon dahil gusto niyang ligawan ang dalaga.
Hinugot
ang kaniyang alaala sa araw ng audition, ang unang pagkakataon na nakita niya
si Dani. Mahirap maunawaan pero unang
kita pa lang niya sa simpleng kagandahan nito, ay di na niya magawang alisin pa
ang kaniyang paningin. Lalo pa nang
kantahin nito ang isa sa mga pinakamagagandang komposisyon sa kasaysayan ng
musika at opera.
"Teka
lang, Erik. Kanina ko pa nahahalata...
ayaw mo ba ang gimik nina bhesky at Jace?"
Napakamot
si Erik ng ulo. Obvious na ba siya masyado?
"Brielle,
come to think about it... kakasabak pa lang ni Dani sa mundo natin tapos may
issue na agad siya?" Tapos kay Jace. "No offense, pare, pero you and
Selena haven't yet declared your break up.
Pag may mga paparazzi na nakaalam about this... di naman kaya papangit
ang image ni Dani. Tapos gagamitin pa
yan ni Selena para bumango ang image niya sa lahat."
"May
nag-iisip pala sa grupo natin," bulong ni Hani sa sarili pero rinig ito ng
buong grupo.
"May
point si Erik," sabi ni Dani.
"Nakita
ko nga," segunda naman ni Jace.
Tanging si Hani na lang ang di pa tuwirang sumasang-ayon.
"Pero
paano ka Jace? At ang dinner mamaya?" biglang tanong ni Dani, at
nag-aalala pa para sa kaibigan.
"We'll
have to cancel." 'Yun lang ang naiisip ni Jace. Hanggang sa oras na 'yon di pa rin fully functioning
ang utak niya.
"Or
we don't have to." Nakuha ni Hani ang atensiyon ng tatlo. "Guys, alam
ko ang laro ni Selena. Sure akong
pipilitin niyang mauna magdrama sa press but let me handle this.”
Kanina
pa sumindi ang lightbulb ni Hani. Habang
abala ang tatlo sa pagdedesisyon, nakita ni Hani ang lalaking kasama ng grupo
ng mga Koreano na kumuha ng kanilang litrato.
Sigurado siyang mayroon itong larawan ng kay Selena at sa foreigner
nitong boyfriend.
"Sandali
lang, guys..." Sabay takbo nito patungo sa kinaroroonan ng lalaki. Iniwan niyang napatunganga ang tatlong
kaibigan.
Sinundan
ng tingin ng tatlo ang tumatakbong si Hani Brielle papunta sa direksiyon ng
isang lalaki. Naalala ni Dani kung sino
ito.
"Ba't
siya pupunta doon sa guide ng mga Koreano kanina?"
"Guide?"
magkasabayang tanong nina Erikat Jace.
"Ahehehe...
di ko sure kung guide pero kasama siya noong mga singkit kanina pagpasok natin
sa entrance. Kinuhaan niya tayo ng
picture."
"Bakit
kakilala ba siya ni Brielle?" tanong ni Erik.
"Di
ko sure kasi marami namang kakilala yang BFF kong 'yan."
May
kung anong sinasabi si Brielle doon sa lalaki.
Mayamaya pa'y nilabas nito ang kaniyang camera tapos may binusisi ang
dalawa. Gusto na sana itong sundan ni
Dani pero nararamdaman niyang may diskarteng ginagawa ang matalik na kaibigan.
Di man niya matukoy kung ano ito pero matagal na silang magkakilala kaya
nababasa niya ang kilos nito.
"May
pagkakahawig naman kayo ni Brielle ng ugali pero looking at that girl, parang
punum-puno siya ng buhay," komento ni Erik.
"She
used to be different before." Naalala ni Dani kung gaano ito malungkutin
at sakitin noong nagkakilala sila noong second year high school.
Transferee
si Hani galing sa isang exclusive school for the girls. Unang kita pa lang niya sa malungkot na pares
ng tsokolateng mga mata ni Hani noon, may kung anong pwersang nagtutulak sa
kaniyang kaibiganin ito at ipagtanggol sa ano mang sanhi ng pagiging malungkot
nito. Siya ang nakipagkaibigan sa tahimik na si Hani. Akala niya snob ito noon dahil sa kilala ang
pamilya nito bilang ubod ng yaman. Bukod
pa rito, pamangkin pa ito ng isang Crystal Permejo.
Hindi
naman siya nag-eeffort na magpapansin dito, effort lang siyang magpalabas ng
mga salita mula rito. Kalaunan, naging madaldal na rin ito sa kaniya—pero sa
kaniya lang. Nalaman niyang lagi raw ito
sa ospital kaya wala siyang talagang ka-close, at mahiyain dahil nga sa
sakitin.
Sariwa
pa sa alaala niya na niyakap niya ito at sinabihang wag mag-alala dahil siya na
ang tatayong best friend nito. At ang
nakita niyang reaksiyon ni Hani noon ay panghabambuhay na makikintal sa
kaniyang isipan sapagkat ito ang unang pagkakataon na nakita niya ang tunay
nitong ngiti.
"What
do you mean na iba siya dati?" tanong ni Jace.
"Hindi
kayo maniniwala pero una kong kilala kay bhest talagang malungkutin yan at
sakitin."
"Totoo
nga?" Si Erik ang nagtanong.
Nahihirapan siyang maniwala.
"Yup.
Way back in high school sakitin talaga siya.
There was one time pa nga na naospital yan sa Amerika. Of course di ako nakapunta noon."
"Hmmmm...
si Bree lang ang kaisa-isang pamangkin ni Ms. Crystal, right?" tanong
naman ni Jace.
"Correct,"
sang-ayon ni Dani. Lagi-lagi itong sinasabi ni Hani kaya paanong di niya
maasasaulo?
"Naalala
ko noong baguhan ako. Nasa gitna kami ng
meeting nang may nareceive na call si Ms. C.
Dali-dali siyang nag-excuse.
Emergency daw at ang pamangkin niya ang dahilan."
Halos
mamesmerize sila animo’y batang nagtatatalon na si Hani. Di nila mawari kung
bakit ito tumatalon, pagkatapos noon, nakuha pang makipag-selfie sa
"guide" ng mga koreano, nagpaalam at tumakbo na rin pabalik sa
kanila.
"We're
in for tonight. Hindi tayo magka-cancel ng dinner with you ex, Jace,"
pagdedeklara ni Hani na di man lang humahangos matapos magsprint.
"Bakit?"
koro naman ng tatlo.
"Because,
I said so. Tara na at may emergency
shopping tayo." Lumakad palayo si Hani, kinuha mula sa maliit niyang bag
ang cellphone at may kung anong pinagpipipindot doon.
Kung
talagang nalalaglag nga lang talaga ang panga, marahil kanina pa nawala mula sa
pagkakadugtong ang mga panga nina Jace, Erik at Dani. Wala silang naintindihan sa nangyari at ang
naabsorb lang ng utak nila ay ang likod ni Hani Brielle.
Si
Jace ang naunang nakarecover at nag-jog hanggang marating ang tabi ni Hani.
Sumunod na rin sina Erik at Dani na nagkatinginan pa bago nagkibit-balikat at
nag-umpisa na ring maglakad.
"Di
na ako magugulat kung mahuhulog 'yang si Jace kay Brielle." Parang wala
lang kay Erik ang mga katagang binitiwan dahil obserbasyon lang naman niya
talaga ito, pero may impact pala ito sa kaniyang katabi.
Pumihit
ng tingin si Dani sa binata. Nagulat
siya sa komento nito at napaisip kung tama kaya ang nakikita niyang chemistry
sa pagitan ng kaniyang best friend at ng mestizong aktor.
"Sa
tingin mo, dapat bang ako ang pumosteng gf?"
Ang
tugon lang ni Erik ay isang matamang tingin at agad din itong binawi.
"Your
look just told me how a complete idiot I am." natatawang wika ni Dani.
"Since
sinabi mo na 'yan, might as well reconsider.
Malay mo, may pag-asa pala sila."
Walang
naitugon si Dani kundi isang malalim na buntong-hininga.
No comments:
Post a Comment